William Gallas ayaa aaminsan in garabka kooxda Chelsea ee Mykhailo Mudryk uu wali ku haboon yahay Arsenal uuna ka caawin karo Gunners inay ku guulaysato horyaalka Premier League xili ciyaareedka soo socda.
Xiddiga reer Ukriane ayaa ku dhawaa in uu ku biiro kooxda Arsenal Ka Hor inta ayna chelsea si lama filaan ah ugu dhaqaaqin saxiixiisa ugana afduuban chelsea.
Mudryk ayaa laga filayay wax badan xilli ciyaareedkan laakiin waxa uu u muuqdaa mid ku fashilmay kooxda Chelsea tan ilaa markii uu ku soo biiray kooxda.
Inkasta oo uu ku dhibtooday galbeedka London, Gallas ayaa aaminsan in uu Mudryk qaab ciyaareed cajiib ah ku soo bandhigi doona Arsenal isla markaas ka caawin doono ku guulaysiga horyaalka xilli ciyaareedka dambe.
“Waan ogahay in Emmanuel Petit uu ka hadlay Mykhailo Mudryk inuu ku biirayo Arsenal, maadaama uu Mikel Arteta jecel yahay,” Gallas ayaa u sheegay Gambling Zone.
“Si fiican ayuu ugu soo baxayaa Arsenal, waxa uu leeyahay orod iyo tayo waana sababta uu Arteta u doonayay saxiixiisa”.
“Kahor inta uusan u saxiixin Chelsea, Arsenal ayaa ku dhawaatay inay la wareegto laakiin wuu bedelay go’aankiisa mana iloobi kartid taas”.
“Hore ayaan u sheegay in Arsenal ay ku guulaysan doonto horyaalka sanadka soo socda ee maaha sanadkan, hadii ay la soo wareegaan Mudryk”.
Be the first to comment