Suuqa ayaa si Rasmi ah u furmay iyada oo kooxaha kala duwan u furantahay in ay dhamaystiraan saxiixyada.
Kooxaha ayaa haatan bilaabi kara in ay sameeyaan saxiixyada ay doonayaan in ay ku xoojiyaan kooxooda.
hadaba kooxda.com waxa ay idiin balan-qaadaysaa in ay si joogto ah idiinku soo gudbiso wararkii ugu dambeeyay ee suuqa.
Barcelona ayaa wadahadalo kula jirta kooxda Inter Miami heshiiskaas ayaa ku saabsan in uu Lionel Messi dib gu soo laabto kooxda si uu hal kulan uu ciyaaro Camp Nou, Madaxweynaha kooxda Joan Laporta ayaa doonaya in halyeeyga weerarka ka ciyaara uu ciyaaro kulankoodii ugu horeeyay ee ay ku soo laabtaan garoonkooda cusub (El Nacional).
Liverpool ayaa ka cago jiidaysa inay Juventus siiso 50 milyan oo ay kooxda reer Italy ku qiimayso daafaca Gleison Bremer (Todo Fichajes).
Ciyaartoyga kale ee ay Liverpool doonayso waa Joey Veerman, kaas oo iska dhigay mid ka mid ah xiddigaha khadka dhexe ee ugu fiican Eredivisie ee PSV Eindhoven (Football Transfers).
Manchester United ayaa ka mid ah kooxaha xiisahii soo daahay u gudbiyay PSG ee Xavi Simons kaas oo badalkeeda amaah ugu biiri doona RB Leipzig xilli ciyaareedka 2024/25 (TBR Football).
Atletico Madrid ayaa ku dhow inay heshiis la gaarto Conor Gallagher oo ka tirsan Chelsea, iyadoo ‘faahfaahin yar’ ay ka harsan tahay oo keliya in la dhamaystiro heshiiska (Fabrizio Romano).
Atletico ayaa sidoo kale ka rajo dhigin saxiixa Julian Alvarez oo ka tirsan Manchester City, inkastoo Arsenal iyo Chelsea ay sidoo kale doonayaan weeraryahanka reer Argentina (MARCA).
Arsenal ayaa heshiis shaqsi ah la gaartay ciyaaryahanka khadka dhexe ee Real Sociedad Mikel Merino, waxaana ay haatan isku dayi doontaa inay soo gabagabeyso qiimaha (Sports Zone).
Merino ayaa doorbidaya inuu ku biiro Barcelona, laakiin La Blaugrana ayaan haysan wax lacag ah (SPORT).
Adrien Rabiot ayaa doonaya in uu ku biiro kooxda Man United xagaagan kadib markii uu si xor ah uga tagay kooxda Juventus (TEAMTalk).
Tottenham Hotspur ayaa kula biirtay Chelsea tartanka loogu jiro saxiixa Victor Osimhen oo ka tirsan Napoli, iyadoo Blues ay doonayso xiddiga (Football Insider).
Barcelona ayaa wali rajo ka qabta saxiixa Dani Olmo, waxaana ay diyaar u yihiin inay Ansu Fati u soo bandhigaan RB Leipzig si uu uga qayb noqdo heshiiska (El Nacional).
Be the first to comment