Arsenal ayaa heshay war aad u wanaagsan kadib markii daafaceeda muhiimka ah William Saliba uu dib ugu soo laabtay tababarka kooxda koowaad, kaddib muddo dheer oo uu dhaawac dhabarka ah garoomada uga maqnaa.
Saliba ayaa Talaadadii ka qayb qaatay tababarka Arsenal ee London Colney, iyadoo soo kabashadiisu hadda gashay marxaladihii ugu dambeeyay. 25-jirkan ayaa horay u bilaabay tababar shaqsiyeed, balse hadda wuxuu dib ula tababaranayaa ciyaartoyda kooxda koowaad.
Sida uu sheegay Fabrizio Romano, soo laabashada Saliba waa war aad u wanaagsan oo u soo kordhay Arsenal, iyadoo la filayo inuu dhowaan diyaar u noqdo inuu garoomada kusoo laabto. Si kastaba, Arsenal ayaa taxaddar weyn ka muujinaysa waqtiga rasmiga ah ee dib loogu soo celinayo ciyaaraha.
Tababare Mikel Arteta ayaan la filayn inuu ku degdego Saliba, gaar ahaan maadaama uu muddo dheer maqnaa. Soo laabashadiisa tababarka ayaa haddana ah tallaabo weyn oo Arsenal u horseedaysa inay mar kale hesho mid ka mid ah daafacyadeeda ugu muhiimsan.