Weeraryahanka kooxda Bayern Munich, Thomas Muller, ayaa ku celceliyay hadaladii la yaabka lahaa ka hor kulanka Barcelona ee wareegga saddexaad ee Champions League.
Barcelona iyo Bayern Munich ayaa ku kulmi doona Montjuïc Stadium Arbacada kulan ka tirsan tartanka champions League.
Ciyaarta dhexmari doonta labada kooxood ayaa ah mid dad badan ay sugayaan, gaar ahaan maadaama ay noqotay mid soo noqnoqotay sanadihii ugu dambeeyay kadib markii Barcelona lagu garaacay 8/2 sanadkii 2020.
Mueller oo arintaas ka hadlaya ayaa yidhi”Robert Lewandowski waa weeraryahankii aan la ciyaaray mudadii ugu dheereyd ee suurtogalka ah ee xirfadeyda.”
Isaga oo hadalkiisa sii wata ayuu yidhi: “Waxa aanu leenahay wada noolaansho aad u fiican marka la eego heerka weerarka, laakiin, Ma ahan in aan ka cabsano Barcelona sababta oo ah Lewandowski Waa kaligiis mana haysto xiddigo waaweyn”.
Barcelona ayaan wax guul ah gaarin 9 sano oo ay ka hortimid Bayern Munich, iyadoo laga badiyay 6-dii kulan ee ugu danbeysay ee Champions League, sidaas darteed, Hansi Flick ayaa wajahaya shaqo aad u adag.
Be the first to comment