Halyeeyga Manchester United Rio Ferdinand ayaa kooxda kula taliyay inay lasoo saxiixato weeraryahanka reer France Karim Benzema, oo 38 jir ah, isla markaana haatan ah ciyaaryahan xor ah.
Ferdinand ayaa sheegay in United ay u baahan tahay weeraryahan khibrad leh, gaar ahaan iyadoo Benjamin Sesko uu la tacaalayo dhaawac, halka Joshua Zirkzee uu sidoo kale fursadihii kooxda koowaad luminayo. Taasi waxay keentay in Matheus Cunha mararka qaar loo adeegsado weeraryahan dhexe.
Ferdinand wuxuu aaminsan yahay in Benzema uu United siin karo khibrad, goolal iyo joogitaan weerarka ah, isla markaana uu caawin karo Sesko inuu wax badan ka barto ciyaaryahan khibrad leh, Benzema ayaa hadda xor ah kaddib markii uu ka soo tagay Al-Hilal, waxaana uu xilli ciyaareedkiisii Saudi Arabia ku dhaliyay 10 gool 12 kulan oo horyaalka ah.
Ferdinand sidoo kale wuxuu xusay Danny Welbeck, isagoo sheegay in labada weeraryahan ay Manchester United siin lahaayeen xulashooyin dheeraad ah iyo khibrad ay ugu baahan tahay safkeeda weerarka.