Tyrell Malacia ayaa ‘aad ugu dhow’ inuu dib ugu soo laabto Manchester United ka dib ku dhawaad 18 bilood oo uu garoomada ka maqnaa.
Daafaca reer Holland ayaa noqday saxiixii ugu horeeyay ee Erik ten Hag xagaagii 2022, isagoo wacdaro dhigay xilli ciyaareedkiisii ugu horeeyay ee kubada cagta Ingariiska halkaas oo uu ku soo bilowday 29 kulan tartamada oo dhan.
Ciyaartiisii ugu dambaysay ee uu u ciyaaro kooxda waxa ay ahayd May 2023, waxa uu ku maqnaa dhammaan xilli ciyaareedkii 2023-24 dhaawac weyn oo jilibka ah oo u baahday qaliin.
Malacia ayaan ciyaarin kulamadii isku diyaarinta xilli ciyaareedka cusub laakiin waxa haatan lagu arkay isaga oo qaadanaya tababarkii ugu horeeyay ee xilli ciyaareedkan.
Si kasta ha ahaatee xiddiga ayaan la filayn in uu ciyaaro kulanka Brentford maadama uu wakhti hore u yahay in uu ciyaaro.
Be the first to comment