Xiddiga Bayern Munich ee Harry Kane ayaa dhirbaaxo ku dhuftay kooxda Barcelona oo doonaysay in ay la soo wareegto sanadka dambe si ay ugu xoojiso weerarkeeda tababare Hansi Flick.
Xogo kala duwan ayaa dhawaan soo baxay kuwaas oo muujinaya xiisaha weyn ee ay Barcelona u qabto helitaanka Harry Kane si ay ugu xoojiso weerarkeeda, gaar ahaan marka la eego suurtogalnimada uu Robert Lewandowski beeca xorta ah uga tagi karo xagaaga dambe.
Si kastaba ha ahaatee, sida laga soo xigtay wargeyska Jarmalka ee Bild, Harry Kane ayaa u muuqda mid aan wax niyad ah u haynin inuu ka tago Bayern Munich kuna biiro Barcelona 2026.
Bild ayaa warineysa in Harry Kane uu qandaraaska uu kula jiro Bayern Munich lagu burburin karo 65 milyan oo Yuuro xagaaga soo aadan, laakiin qodobkan waa in laga shaqeyaa ka hor Janaayo 31, 2026.
Si kastaba ha ahaatee, Kane ayaa doonaya inuu sii joogo Bayern Munich. Waxa uu ku faraxsan yahay kooxda heysata horyaalka Bundesliga, waxaana uu doonayaa inuu sii joogo wax ka badan 2027, marka uu qandaraaskiisa haatan dhamaado.
Wararka ayaa sheegaya in Bayern Munich ay dooneyso inay la fariisato Harry Kane si ay ugala hadlaan qandaraas kordhinta, laakiin kaliya ka dib dhamaadka Janaayo markaasoo uu dhacayo qiimaha lagu burburin karo qandaraaska aan kor kusoo sheegnay.
Waxaa la xaqiijiyay in weeraryahanka England uu weli labo sano uga harsan yahay qandaraaskiisa, waxaana labada dhinac ay u muuqdaan kuwo ku qanacsan xaalada.
Be the first to comment