Muuqaalo la soo duubay ayaa daaha ka rogay erayadii uu Darwin Nunez ku yidhi saaxiibadiis Liverpool, kadib goolkii guusha ee uu ka dhaliyay Leipzig ee Champions League, kaas oo dadka qaar ay ku tilmaameen “xatooyo” muuqata oo uu u gaystay saaxiibkiis Mohamed Salah.
Liverpool iyo Leipzig ayaa ku kulmay wareega 3-aad ee wareega Group-yada tartanka champions League.
Mohamed Salah ayaa kubad madax ah ku laagay dhinaca goolka laakiin Nunez ayaa kubada ku taabtay shabaqa isla markaas magaciisa ku qoray goolka.
Taageerayaasha baraha bulshada ayaa si degdeg ah u tilmaamay in Nunez uu xaday goolkii Mohamed Salah.
Waxa la helay muuqaal uu Nunez kabtanka Liverpool ee Virgil Van Dijk u sheegay in uu Salah leeyahay abaalka Goolka sida laga soo xigtay Metro.
Ka dib markii uu Van Dijk u hambalyeeyay goolkii ka dib, Nunez ayaa Yidhi”Maya Salah ayaa leh”.
Be the first to comment