Ciyaartii Ireland iyo Austria ee Nations League ayaa si ku-meel-gaar ah loo hakiyay kadib markii taageerayaal ay boqolaal kubado tennis ah kusoo tuureen garoonka Aviva Stadium ee Dublin, Dhacdadan ayaa timid qiyaastii daqiiqaddii 20-aad, iyadoo taageerayaashu ay uga mudaharaadayeen go’aanka Ireland ay ku sii ciyaarayso kulamada ay la leedahay Israel. Qaar ka mid ah kubadihii ayaa watay calanka Falastiin iyo fariinta #StopTheGame.
Qiyaastii 15 daqiiqo kadib, taageere kale ayaa garoonka soo galay isagoo lulaya calanka Falastiin, waxaana ciidamada ammaanku ay ka saareen garoonka, Mudaaharaadku wuxuu ku soo beegmay iyadoo Ireland ay Axaddii hore 3-0 kaga adkaatay Israel, halka kulanka labaad ee labada xul loo qorsheeyay Axadda, kaasoo lagu ciyaari doono Serbia iyadoo albaabadu xiran yihiin.
Goolhaye Gavin Bazunu ayaa hore uga maqnaaday kulankii Israel sababo anshaxeed awgood, balse wuxuu kooxda kula soo laabtay kulanka Austria, Tababaraha Ireland, Heimir Hallgrimsson, ayaa sheegay in dhacdooyinka ku saabsan Israel aysan kala qaybin kooxda, isagoo ammaanay ciyaartoyda sida ay ula dhaqmeen Bazunu.
Mudaaharaadkan ayaa muujinaya sida muranka siyaasadeed ee ku saabsan dagaalka Gaza uu saameyn ugu yeeshay kulamada kubadda cagta ee Ireland iyo Israel.