Lionel Messi ayaa helay hadiyad gaar ah oo uu guddoonsiiyay kabtanka xulka qaranka Benin, xilli ay labada xul ku kulmeen ciyaar saaxiibtinimo oo muhiimad gaar ah u lahayd xiddiga reer Argentina.
Kabtanka Benin ayaa Messi guddoonsiiyay nuqul yar oo ka mid ah taallada “Amazon”, oo ka mid ah astaamaha taariikhiga iyo dhaqanka ugu caansan dalka Benin.
Hadiyaddan ayaa timid xilli Messi uu ciyaarayay kulankiisii sagootinta ee xulka Argentina, taasoo ka dhigtay in hadiyadda kabtanka Benin ay noqoto qayb ka mid ah munaasabadda gaarka ah ee lagu maamuusayay halyeeyga kubadda cagta Argentina.
Waa maxay Taallada Amazon-ka?
Taallada uu Messi helay waxay astaan u tahay dagaalyahannadii haweenka ee Dahomey, oo loo yaqaanay Dahomey Amazons.
Dagaalyahannadan ayaa ahaa ciidan dumar ah oo u adeegayay Boqortooyadii Dahomey, oo ka talin jirtay dhul maanta qayb ka ah dalka Benin.
Ciidankan haweenka ah ayaa taariikh ahaan caan ku ahaa geesinimo, adkaysi iyo awood ciidan, waxaana ay door muuqda ku lahaayeen taariikhda boqortooyada Dahomey.
قائد منتخب بنين يكرم الاسطورة ❤️ https://t.co/lAjh0M6UET
— Messi World (@M10GOAT) October 6, 2026
Maxay taalladu u astaan tahay?
Taallada Amazon-ka waxay maanta ka mid tahay astaamaha dhaqanka iyo taariikhda Benin, iyadoo matasha:
- Geesinimada iyo adkaysiga haweenka
- Taariikhda boqortooyadii Dahomey
- Awoodda iyo doorka haweenka ee taariikhda Benin
- Hidaha iyo aqoonsiga dhaqanka dalka Benin
El capitan de Benin le regala a Messi un Homenaje que Rinde tributo a las Amazonas de Dahomey, el histórico y temido cuerpo militar de élite compuesto exclusivamente x mujeres que defendió el antiguo Reino de Dahomey
En su cultura, es un Reconocimiento de fuerza y resiliencia https://t.co/A3oMvQQwwO
— bokita edits 🔪🐔 (@cabjedits) October 6, 2026
Sidaas darteed, hadiyadda loo dhiibay Messi ma ahayn oo keliya xusuus laga siiyay ciyaarta, balse waxay ahayd astaan dhaqameed uu Benin ugu gudbinayay mid ka mid ah ciyaartoyda ugu caansan dunida.
Muuqaalka Messi oo gacanta ku haya taalladan ayaa sidoo kale noqday mid ka mid ah muuqaalada xusuusta leh ee habeenkii sagootinta xiddiga reer Argentina.
Messi ayaa kulankan ku sagootinayay xulka Argentina kaddib sannado uu xulka kula guuleystay Koobka Adduunka 2022, Copa América 2021 iyo 2024, iyo sidoo kale Finalissima.