Lionel Messi, kabtanka xulka qaranka Argentina, ayaa indhaha taageerayaasha qabsaday ka hor bilaabashada ciyaartii saaxiibtinimo ee Argentina iyo Benin, kadib markii uu si weyn u qiirooday xilli la qaadayay heesta qaranka Argentina.
Messi ayaa kulankan ciyaarayay isagoo loo arko inuu yahay kulankiisii ugu dambeeyay ee uu u safto xulka Argentina, kaddib markii uu ku dhawaaqay inuu soo gabagabeynayo ciyaaraha heerka caalamiga ah.
Intii ay socotay heesta qaranka, waxaa wajiga Messi ka muuqday ilmo iyo qiiro xooggan, iyadoo taageerayaashii garoonka joogay ay si weyn uga falceliyeen muuqaalka xiddigooda taariikhiga ah.
Tababaraha Argentina, Lionel Scaloni, ayaa sidoo kale la arkayay isagoo qiiro qaba, iyadoo ay soo dhowaanaysay dhammaadka safarkii dheer ee Messi ee xulka qaranka, Argentina ayaa ka hor kulanka si gaar ah u maamuustay kabtankeeda, iyadoo bartamaha garoonka lagu soo bandhigay funaanad aad u weyn oo leh lambarka 10, taas oo astaan u ahayd funaanaddii Messi uu sannado badan ku xirtay xulka.
الاسطورة يذرف الدموع 💔💔💔 https://t.co/eg7OOfmRcD
— Messi World (@M10GOAT) October 6, 2026
Munaasabadda sagootinta waxaa sidoo kale kasoo qeyb galay qoyska Messi, iyadoo carruurtiisa lagu arkay gudaha garoonka iyagoo taageeraya aabbahood xilli uu wajahayo mid ka mid ah waqtiyadii ugu muhiimsanaa uguna qiiro badnaa ee xirfaddiisa xulka.
Messi wuxuu xulka Argentina uga tagayaa dhaxal taariikhi ah. Wuxuu hoggaamiyay Argentina markii ay ku guuleysatay Koobkii Adduunka 2022, halka uu sidoo kale gaaray finalka Koobkii Adduunka 2014.
Intaa waxaa dheer, Messi wuxuu Argentina kula guuleystay Copa América 2021 iyo 2024, iyo sidoo kale Finalissima, taasoo ka dhigaysa mid ka mid ah ciyaartoydii ugu guulaha badnaa taariikhda xulka Argentina.
الاسطورة يذرف الدموع 💔💔💔 https://t.co/eg7OOfmRcD
— Messi World (@M10GOAT) October 6, 2026
Kulanka Benin ayaa sidaas u noqday cutubkii ugu dambeeyay ee safarka caalamiga ah ee Messi, iyadoo taageerayaasha Argentina ay u dabaaldegayeen sannado badan oo uu xulkooda ku hoggaamiyay koobab, guulo iyo xusuuso aan si fudud loo illoobi doonin.