Barcelona ayaa qorshaynaysa inay suuqa Janaayo la soo wareegto daafaca Manchester United Lisandro Martínez, si ay u xoojiso difaaceeda oo ay dhaawacyo badan saameeyeen.
Agaasimaha ciyaaraha Barcelona Deco ayaa la sheegay inuu xiiseynayo daafaca reer Argentina, halka tababare Hansi Flick uu mudnaanta siinayo in kooxdu hesho daafac dhexe oo cusub.
Caqabadda ugu weyn ee heshiiska ayaa ah dhaqaalaha. Barcelona waxay diyaar u tahay Martínez oo keliya haddii qiimaha heshiisku aanu qaali noqon, sababo la xiriira xeerarka dhaqaale ee La Liga.
Sidoo kale, Barcelona waxaa laga yaabaa inay marka hore iibiso ciyaaryahan si ay Janaayo ula soo wareegto ciyaaryahan cusub iyadoo la raacayo nidaamka 1:1.
Qandaraaska Lisandro Martínez ee Manchester United wuxuu dhacayaa dhammaadka xilli ciyaareedkan, inkastoo United ay haysato ikhtiyaar ay hal sano ugu kordhin karto.