Kooxda Barcelona ayaa guuldaro kala kulantay kooxda ay jaarka yihiin ee Girona kulan ka tirsanaa horyaalka La Liga.
Barcelona ayaa kulanka soo gashay iyada oo ogsoon guuldaro soo gaadha in ay la macno tahay in ay Real Madrid ku guulaysan doonto horyaalka.
Barcelona ayaa si dar-dar leh ku bilaabatay ciyaarta iyaga oo doonayay in ay iska ilaaliyaan lama filaan dhaca.
Kooxda Barcelona ayaa dhalisay goolka 1-aad daqiiqadii 3-aad waxana u dhaliyay xiddiga Andreas Christensen kaas oo hogaanka u dhiibay kooxdiisa.
Laakiin Giron ayaa markiiba ka soo laabatay daqiiqadii 4-aad iyaga oo uu goolka u dhaliyay xiddiga Artem Dovbyk kaas oo ciyaarta ka dhigay 1/1.
Xiddiga Robert Lewandowski ayaa daqiiqadii 45+1-aad dhaliyay goolka 2-aad waxana uu ciyaarta ka dhigay 2/1 ay kooxdiisu ku hogaaminayso.
Waxa sidaas ku dhamaatay qaybta hore ee ciyaarta oo ay Barcelona ku hogaaminayso 2/1.
Laakiin Girona ayaa qaybtii dambe wacdaro dhigtay iyaga oo 3 gool oo deg-deg ah ka dhaliyay Barcelona
Xiddiga Portu ayaa daqiiqadii 65-aad iyo 74 dhaliyay laba gool halka uu xiddiga Miguel Guiterez dhaliyay goolka kale ee kooxdiisa.
Waxa sidaas ku dhamaatay ciyaarta oo ay Girona 4/2 ku garaacday kooxda Barcelona.
Be the first to comment