Arteta Oo Sheegay Khalad Uu Galay Labadii Guuldaro Ee Arsenal Soo Gaadhay.

Mikel Arteta ayaa qirtay in uu qalad ku galay in uuna ciyaarsiin Raheem Sterling labadii guuldaro ee ugu dambeeyay ee Arsenal.

Sterling, oo amaah kaga soo biiray Chelsea suuqii xaggaaga, ayaa looga tagay bedel aan la isticmaalin kulankii ay Arsenal guuldarada 1-0 ah kala kulantay Newcastle United garoonka St James’ Park sabtidii hore.

29-sano jirkaan ayaa kaydka ku sii jiray kulankii ay Inter Milan guusha 1/0 ah ka gaadhay Arsenal Arbacadii.

Sterling ayaa seegi doona kulanka Premier League ee ay Arsenal u safri doonto Stamford Bridge axadan maadaama uusan xaq u lahayn inuu ka horyimaado kooxdiisii ​​​​hore ee Chelsea.

Arteta ayaana qiray in Sterling ay aheyd in laga faa’ideysto labadii guuldaro ee lasoo dhaafay.

“Taasi waxay ahayd go’aankeyga, wax shaqo ah kuma laha Raz,” Arteta ayaa yiri.

“Qof baa qaldamay anigana waa aniga”