![image_2024-07-25_075553745](https://i0.wp.com/kooxda.com/wp-content/uploads/2024/07/image_2024-07-25_075553745.png?resize=678%2C381&ssl=1)
Kooxda Arsenal ayaa rikoodhayaal kaga badisay kooxda Bournemouth kulan ka tirsanaa isku diyaarinta labada kooxood ee xilli ciyaareedka cusub.
Arsenal ayaa ku soo gashay kulanka xiddigo isugu jira kooxda 1-aad iyo waliba xiddigo da’yar ah.
Thomas Partey, Timber, White, Vieira iyo Nketiah ayaa ka mid ahaa xiddigaha kooxda 1-aad ee ku bilowday shaxda.
Daqiiqadii 18-aad ayay Arsenal dhalisay goolka furitaan waxana u dhaliyay xiddiga Fabio Vieira kaas oo ciyaarta ka dhigay 1/0.
Qaybtii dambe ayuu Arteta is badal ku sameeyay shaxdiisa isaga oo fursad siiyay xiddigaha kale ee kooxda.
Daqiiqadii 73-aad ayay Bournemouth dhallisay goolka bar-baraha waxana u dhaliyay Antoine Semenyo kaas oo ciyaarta ka dhigay 1/1.
Waxa sidaas ku dhamaatay ciyaarta waxana ay labada kooxood ku kala bexeen bar-baro waxana la isla aaday rikoodhayaal.
Arsenal ayaa 5/4 rikoodhayaal ah ku badisay waxana ay sii wadeen isku diyaarintooda xilli ciyaareedka cusub.
Be the first to comment