Gary Lineker ayaa daaha ka qaaday ‘walaaca’ uu ka qabo Arsenal xilli ay Liverpool iyo Chelsea kula dagaalamayaan hanashada horyaalka Premier League.
Loolanka horyaalka Gunners ayaa la kulmay dharbaaxo kale Axadii iyadoo kooxda Mikel Arteta lagu qabtay barbaro 1-1 ah oo ay la galeen kooxda Fulham.
Bar-baraha ay la gashay Fulham ayaa keentay in ay Arsenal ku jirto kaalinta 3-aad ee premier League iyaga oo 2 dhibcood ka dambeeya chelsea halka ay 6 dhibcood ka dambeeyaan hogaamiyayaasha Liverpool.
Arsenal ayaa aad ugu dhawaatay ku guulaysiga premier League labadii xilli ciyaareed ee ugu dambeeyay waxana ay doonayeen in ay taas badalaan sanadkan.
Lineker ayaa aaminsan in uu walaac ka qabo ku tiirsanaanta Arsenal ee kubadaha madaxa ah waana wax aan dhib ku ahayn Liverpool iyo chelsea.
Arsenal ayaa 23 gool ka dhalisay koorayaasha tan ilaa bilowgii xilli ciyaareedkii hore waana kooxda ugu badan 5-ta horyaal ee ugu waaweyn.
“Runtii waxa ay ku dhibaatoodeen in ay wax fiican abuuraan”ayuu Lineker yidhi.
“Mar kale waxa ay halis ku yihiin kubadaha karooska ah sababta oo ah si fiican ayaa loogu soo dhigaa waxana mar walba iska cad in uu xiddig Arsenal ah dhalin doono”.
“Walaaca aan ka qabo Arsenal ayaa ah in ay aad ugu tiirsanyihiin kubada madaxa ah ma abuuraan fursado badan taasina waxa ay ka hor istaagi kartaa ku guulaysiga premier Legaue”.
Be the first to comment