Ciyaartii saaxiibtinimo ee u dhexeysay Argentina iyo Benin ayaa yeelatay muuqaal taariikhi ah oo lagu maamuusayay Lionel Messi, iyadoo kulanka si gaar ah loo hakiyay daqiiqaddii 10-aad.
Hakinta ayaa ahayd xus loogu talagalay lambarka 10-aad, oo Messi uu muddo sannado ah ku xirtay xulka qaranka Argentina.
Markii saacadda ciyaartu gaartay daqiiqaddii 10-aad, ciyaartoyda labada dhinac iyo taageerayaashii garoonka ayaa istaagay, iyagoo sacab iyo sawaxan ku maamuusay Messi.
في الدقيقة العاشرة .. الجميع يكرم الأسطورة ليونيل ميسي
تابعوا مباراة اعتزال ميسي على تطبيق شاشا https://t.co/HhBoQRMGMW
— شاشا سبورت (@Shasha_Sports) October 6, 2026
Messi ayaa isaguna taageerayaasha uga jawaabay isagoo gacanta u taagay, waxaana garoonka ka dhacay sawaxan xooggan oo lagu dhawaaqayay magaciisa, Munaasabaddan ayaa timid kadib markii Messi uu hore ugu qiirooday kulanka, isagoo ilmeeyay xilli la qaadayay heesta qaranka Argentina ka hor inta aan ciyaartu bilaaban.
Qoyskiisa ayaa sidoo kale garoonka ku sugnaa si ay ula qeybsadaan habeenka gaarka ah ee sagootinta, halka qaar ka mid ah ciyaartoyda Argentina iyo tababare Lionel Scaloni ay sidoo kale muujiyeen dareen iyo qiiro, Ciyaarta Benin ayaa noqotay munaasabad lagu xusayay safarkii dheer ee Messi uu la soo qaatay xulka Argentina.
Messi wuxuu Argentina hoggaamiyay markii ay ku guuleysatay Koobka Adduunka 2022, waxaana uu sidoo kale xulka kula guuleystay Copa América 2021 iyo 2024, iyo koobka Finalissima.
#AD10S 🐐
⚽️ #Argentina 🇦🇷 🆚 Benín 🇧🇯
📽️ Los aplausos en el minuto sagrado 👏
📍 Estadio Monumental https://t.co/4O4JP29Fnc
— 🇦🇷 Selección Argentina ⭐⭐⭐ (@Argentina) October 6, 2026
Hakintii ciyaarta ee daqiiqaddii 10-aad ayaa sidaas ku noqotay mid ka mid ah dhacdooyinkii ugu xusuusta badnaa ee habeenka sagootinta Messi, iyadoo lambarka uu xirtay sannado badan uu noqday astaanta lagu maamuusayay xiddiga reer Argentina.