Kusoo dhawaada Kooxda.com, waxaan si toos ah idinkusoo tabin doonaa wararkii ugu dambeeyey ee suuqa kala iibsiga iyo horyaalada Yurub, iyo xogaha ugu muhiimsan ee kubadda cagta maanta.
Real Madrid ayaa ka fiirsanaysa inay ku biirto tartanka loogu jiro saxiixa khadka dhexe ee Bournemouth iyo xulka England, Alex Scott, oo 23 jir ah. Kooxda reer Spain ayaa si dhow ula socotay ciyaaryahanka toddobaadyadii lasoo dhaafay.
Xigasho: Teamtalk
Dhanka kale, Chelsea ayaa haatan loo arkaa kooxda ugu dhow inay la soo wareegto Scott, iyadoo Liverpool iyo Arsenal ay sidoo kale xiisaynayaan ciyaaryahanka Bournemouth.
Xigasho: Telegraph
Arsenal ayaa sidoo kale suuqa ka raadinaysa garabka reer Turkey ee Kenan Yildiz, oo 21 jir ah kana tirsan Juventus. Gunners-ka ayaa wajahaya tartan kaga imaanaya Bayern Munich iyo Real Madrid.
Xigasho: Corriere dello Sport
Dhanka kale, Real Betis ayaa lagu soo waramayaa inay diidi doonto xiisaha loo qabo weeraryahankeeda Troy Parrott, kaasoo heshiiskiisa ku leh qodob fasax ah oo gaaraya £85 milyan. Waxaa jiray warar sheegaya in 24-jirka reer Ireland uu dib ugu laaban karo Tottenham.
Xigasho: Estadio Deportivo
Sidoo kale, kooxo dhowr ah oo ka tirsan Premier League ayaa isha ku haya khadka dhexe ee daafaca Sevilla, Lucien Agoume, oo 24 jir ah. Ciyaaryahanka reer France ayaa heshiiskiisa ku leh qodob fasax ah oo lagu qiyaasay £35 milyan.
Xigasho: AS