Tababaraha Real Madrid, José Mourinho, ayaa sheegay in danta kooxda ay mar walba ka horreyso tan shaqsiyaadka, isagoo si gaar ah uga hadlay xaaladda xiddiga reer Brazil ee Vinicius Junior.
Mourinho ayaa sheegay inuusan diyaar u ahayn inuu wax u dhimo danta Real Madrid si uu u daboolo baahida ciyaaryahan gaar ah, wuxuuna carrabka ku adkeeyay in Vinicius uu door muhiim ah yeelan doono marka uu si buuxda u soo ceshado taam ahaanshihiisa.
Advertisment
Qodobadii ugu muhiimsanaa ee shirkiisa jaraa’id:
- Vinicius Junior: Mourinho wuxuu sheegay in waxa ugu muhiimsan ay tahay danta kooxda, isla markaana uusan qorsheyneyn inuu kooxda u huro danaha ciyaaryahan keliya.
- Cristiano Ronaldo: Wuxuu sheegay in go’aanka Ronaldo ay tahay in la ixtiraamo, balse uusan weli soo afjarin xirfaddiisa kubadda cagta, isla markaana uu weli leeyahay yoolal uu doonayo inuu gaaro.
- Federico Valverde: Mourinho ayaa ammaanay kabtanka Real Madrid, isagoo ku tilmaamay ciyaaryahan xirfad leh, is-hoosaysiiya, saaxiib wanaagsan iyo tusaale ay tahay in ciyaartoyda kale ku daydaan.
- Kulanka Valencia: Wuxuu sheegay in ciyaarta Valencia ay tahay mid adag, isla markaana kooxdiisu ay u baahan tahay inay muujiso awooddeeda ugu sarreysa si ay guul uga gaarto garoonka Mestalla.
- Barcelona iyo Atletico Madrid: Mourinho ayaa laga weydiiyay kulanka labada kooxood, wuxuuna kaftan ahaan sheegay inuu jeclaan lahaa in labaduba dhibco lumiyaan, inkastoo ay adag tahay in labada kooxoodba laga adkaado.
- Diyaargarowga ciyaartoyda: Wuxuu sheegay in daqiiqadaha ciyaarta loo qeybin doono ciyaartoyda kala duwan, si kooxda ay u hesho diyaargarow wanaagsan.
Mourinho ayaa sidoo kale qiray in Real Madrid ay weli u baahan tahay inay hagaajiso habka ay ciyaaraha qaarkood dib ugu gurato, isagoo sheegay in arrintaasi leedahay faa’iidooyin iyo khasaarooyin.
Ads