Xiddiga reer Portugal ee Bernardo Silva ayaa la sheegay inuu diiday dalabyo uga yimid Barcelona iyo Atlético Madrid, si uu ugu biiro Real Madrid suuqa kala iibsiga xagaagii la soo dhaafay.
Sida ay qortay wargeyska Isbaanishka ee AS, Real Madrid ayaa go’aansatay inay la soo wareegto Bernardo Silva kaddib markii ay fashilantay isku daygii ay ku doonaysay Rodri.
Tababare José Mourinho ayaa la sheegay inuu aaminsanaa in Bernardo uu door muhiim ah ka ciyaari karo khadka dhexe ee Real Madrid, isaga oo kooxda siinaya nidaam, xakameyn kubadeed iyo hoggaan ay ka maqnaayeen tan iyo markii uu Tony Kroos ciyaaraha ka fariistay.
Bernardo ayaa si weyn u soo jiitay kulankii El Clásico ee ay Real Madrid 2-1 kaga adkaatay Barcelona, iyadoo Kylian Mbappé uu dhaliyay goolasha guusha. Xiddiga reer Portugal ayaa door muuqda ka qaatay dhismaha weerarrada, xakameynta ciyaarta iyo difaaca.
Warbixintu waxay intaas ku dartay in Bernardo uu horraantii 2026 adeeggiisa u bandhigay Real Madrid, balse kooxda aysan markaas u arkin heshiis faa’iido leh. Imaanshaha Mourinho ayaa dib u soo nooleeyay rajadiisa ahayd inuu ku biiro kooxda uu muddo doonayay.