Arsenal ayaa la kulantay guuldarro lama filaan ah kaddib markii ay rigoorayaal ugu hartay Fleetwood Town, kulan ka tirsanaa Carabao Cup. Fleetwood oo ku jirta kaalinta 18-aad ee League Two ayaa sameysay mid ka mid ah natiijooyinkii ugu yaabka badnaa taariikhda tartanka, iyadoo meesha ka saartay kooxda heysata horyaalka Premier League.
Gunners ayaa la filayay inay si fudud ugu gudubto wareegga siddeedda kooxood ee ugu dambeeya, balse Fleetwood ayaa iska caabbisay weerarrada Arsenal, mana aysan niyad jabin xitaa kaddib markii kooxda London ay gool dhalisay bilowgii qeybta labaad.
Dhanka kale, da’yarka Arsenal ee Max Dowman, oo 16 jir ah, ayaa habeen adag soo maray kaddib markii casaan la siiyay daqiiqaddii 86-aad, taasoo timid kaddib fal uu sameeyay markii uu isku dhacay Harrison Neal. Tababare Mikel Arteta ayaa la filayaa inuu cashar adag ka siiyo dhacdadan.
Guuldarradan ayaa Arsenal ka hor istaagtay fursaddii ay ugu guuleysan lahayd koobkii ugu horreeyay ee xilli ciyaareedkan, iyadoo taageerayaasha Fleetwood ay ku maadsadeen kooxda ku guuleysatay Premier League xilli ciyaareedkii hore.
Fleetwood ayaa si buuxda uga faa’iideysatay fursaddeeda, halka Arsenal ay mar kale niyad-jab kala kulantay tartanka Carabao Cup, kaasoo aysan ku guuleysan tan iyo xilli ciyaareedkii 1992/93.