Manchester City ayaa wajahaysa xaalad adag kadib markii guddi madax-bannaan lagu helay inay jebisay inta badan eedeymaha dhaqaale ee ka dhan ahaa kooxda, kuwaas oo gaaraya 130 eedeymood oo daboolaya muddadii u dhexeysay 2009 ilaa 2018.
Wararka ayaa sheegaya in City ay wajihi karto dhibco laga jaro 70 ilaa 80 dhibcood, taas oo haddii la dhaqan geliyo keeni karta inay ka dhacdo Premier League una degto Championship-ka, Waxaa sidoo kale miiska saaran ciqaabo kale oo ay ka mid yihiin in koobab hore dib loo qaybiyo, ganaax lacageed oo gaari kara £100 milyan, laga mamnuuco tartamada Yurub, ama xitaa in kooxda laga saaro Premier League.
Manchester United iyo Liverpool ayaa ka mid ah kooxaha laga yaabo inay saameyn ku yeeshaan dib-u-eegista natiijooyinkii hore, maadaama ay kaalinta labaad galeen xilliyo City ay ku guuleysatay horyaalka.
Manchester City ayaa dhankeeda sheegtay in hanaanka dacwadu weli socdo, iyadoo kooxda la filayo inay racfaan ka qaadato go’aanka.
Ciqaabta ugu dambeysa weli lama go’aamin, waxaana Premier League ay weli haysataa marxalado kale oo sharci iyo nidaam ah oo ay tahay inay dhammeystirto.