Tababaraha kooxda Manchester City Pep Guardiola ayaa shir jaraa’id oo uu qabtay kaga hadlay diyaar garowgii ugu dambeeyay ee kooxdiisu ay ugu diyaar garoobayso kulanka ay berito kula ciyaari doonaan Leeds United garoonka Etihad Stadium.
Mar wax laga waydiiyay in Rodri uu ciyaari karo kulanka Leeds United, Guardiola ayaa u sheegay Manchester Evening News: “Kama qayb qaadan doono, weli waxa uu qabaa dhibaato muruqa ah, laakiin ma foga”.
Pep oo ka hadlaya gooldhaliyaha xiga ee Manchester City ka dib Haaland ee Premier League: “Taasi maaha waxa aan inta badan ka walaacsanahay, guud ahaan, iyo marka laga reebo ciyaartii ugu dambeysay, waxaan gaarnay waxyaabo badan oo wanaagsan, dabcan Haaland waa mid aad muhiim u ah, iyo kuwa kale.”
Marka la eego mustaqbalka Bernardo Silva, Pep wuxuu yiri: “Waxaan isaga u doonayaa wanaag, haddii uu doonayo inuu sii joogona aad ayaan u faraxsanahay, laakiin ma jiro wada sheekeysi dheeri ah , sagaal sano ayuu halkan ku qaatay, waxaan u rajeynayaa wanaag qoyskiisa, ugu dambeyntiina wuxuu qaadan doonaa go’aanka ugu fiican kooxda.”
Waxa uu hadalkiisa ku soo xidhay isaga oo ka hadlaya Arsenal iyo farqiga dhibcaha ee iyaga u dhexeeya: “Waan arki doonaa, waan ogahay in farqigu uu jiro isla markaana Arsenal ay aad u xoogan tahay, waxaan bilaabaynaa inaan aragno sida aan u horumarinayno koox ahaan, waana arki doonaa”.
Be the first to comment