Halyeeyga Arsenal, Martin Keown, ayaa aaminsan in xaalada Mohamed Salah ee Liverpool ay tahay mid qodax leh, gaar ahaan maadaama uu ciyaaryahanku u muuqdo mid u xanaaqsan maamulka Reds.
Qandaraaska Mohamed Salah ee Liverpool wuxuu dhacayaa June 30, 2025, Salah ayaa dhawaan sheegay hadallo xaqiijinaya in maamulka Reds aysan weli wax heshiis ah u soo bandhigin xilli ciyaareedka.
Keown ayaa yidhi”Waxay u muuqataa in Mohamed Salah uu ka faa’iidaysanayo wax walba oo uu haysto si uu heshiis cusub ugu helo Liverpool”.
Isaga oo hadalkiisa sii wata ayuu yidhi: “Waxay u muuqataa in uu xanaaq ku ciyaarayo, sidii uu ku odhan lahaa maamulka Liverpool, ‘Ha i iloobina, wali xaalad fiican ayaan ku jiraa”.
Wuxuu raaciyay: “Waxaan u maleynayaa in tani ay ku dhiirigelineyso inuu si fiican u soo bandhigo ciyaaraha, laakiin ilaa intee?”
Wuxuu ku daray: “Intee in le’eg ayay tani saameyn ku yeelan kartaa qaab ciyaareedkiisa sababta oo ah waxa uu doonayaa in la xaliyo mawqifkiisa Liverpool.
Be the first to comment