Xiddiga Khadka dhexe ee kooxda Chelsea Moisés Caicedo ayaa sheegay in uu ku dhawaaday ku biirista Arsenal laakiin uu sugay ilaa inta ay Chelsea u dhaqaaqayso saxiixiisa kadib markii u diiday Liverpool.
Caicedo wuxuu ahaa ciyaaryahan si weyn loo dalbanayay sanadkii 2023. Intii lagu jiray suuqa jiilaalka ee sanadkaas, xiddigii hore ee Brighton & Hove Albion ayaa lagu sheegay in Arsenal ay laba jeer dalab ka gudbisay, dalabkii labaadna lagu qiyaasay £70 milyan.
Brighton kama aysan qaadan, taasoo keentay in wakiilkiisii waqtigaas, Manuel Sierra, uu si caro leh u yiraahdo: “Tani waa fursad laga yaabo inaan weligeed soo noqon.”
Arsenal ugu dambeyn waxay diiradda ka wareejisay Caicedo waxayna xagaagaas kusoo qaateen Declan Rice oo ku kacay £105 milyan.
Dhanka kale Caicedo wuxuu u wareegay Chelsea lacag gaareysa ilaa £115 milyan, inkastoo Liverpool aad u xiisaynaysay saxiixiisa isla suuqaas.
Ka hor kulanka Chelsea iyo ArsenalCaicedo ayaa la weydiiyay ku biiritaankiisii suurtagalka ahaa ee waqooyiga London. “Waxaan ku dhowaaday inaan ku biro Chelsea”.
“laakiin hadda halkan ayaan joogaa, aad ayaan u faraxsanahay. Waqtiguna wuu fiican yahay”.
“Waxaan rabaa inaan wax walba u huro naadigan sababtoo ah marnaba igama aysan shakiyin. Waxaan doortay Chelsea sababtoo ah waxay leeyihiin hammi. Waxaan rabaa inaan ku guulaysto koobab waawey”
Be the first to comment