Ka dib markii ay ku soo baxeen Champions League markii saddexaad oo xiriir ah, indhaha ayaa guud ahaan ku jeeda tartanka ugu weyn ee Yurub ee xilli ciyaareedka cusub.
Arsenal ayaa gaartay semi-finalka Champions League ee 2024/25 markii ugu horreysay muddo 16 sano ah, laakiin waxay ka baxday tartanka kadib guuldarro ay kala kulmeen kooxdii ku guulaystay champions League ee Paris Saint-Germain.
Xilli ciyaareedka soo socda, waxaa jiri doona lix kooxood oo ka socda Premier League oo ka qayb galaya Champions League. Liverpool, Manchester City, Chelsea, Tottenham Hotspur iyo Newcastle United ayaa ku soo biiri doona wareega horyaalka.
Waxaa jira shan kooxood oo ka socda Spain oo ku jiri doona 36-ka kooxood ee ugu dambeeya, iyadoo Real Madrid, Barcelona, Atletico Madrid, Athletic Club iyo Villarreal ay matali doonaan La Liga.
Talyaani iyo Jarmani ayaa mid walba leh afar kooxood, iyadoo Napoli, Inter Milan, Atalanta iyo Juventus ay ku soo baxeen Serie A. Bayern Munich, Bayer Leverkusen, Eintracht Frankfurt iyo Borussia Dortmund ayaa ka soo qulqulay Bundesliga.
Waxaa sidoo kale jira saddex kooxood oo ka socda Faransiiska, iyadoo Paris Saint-Germain oo difaacanaysa horyaalka Yurub ay ku biirayaan Monaco iyo Marseille. Laba kooxood oo ka socda Holland ayaa ku soo baxday, iyadoo PSV oo ku guuleysatay Eredivisie iyo Ajax oo ku soo baxay kaalinta labaad ay ka mid yihiin.
Meelaha kale ee banaan waxaa ka buuxinaya kooxaha Sporting Lisbon, Union Saint-Gilloise, Galatasaray, Olympiakos iyo Slavia Prague, kuwaas oo dhammaantood ku guuleystay horyaalladooda gudaha.
Arsenal lama ciyaari karto kooxaha ka socda Englans sidaas darted la ciyaari doonin Liverpool, Manchester City, Chelsea, Newcastle United ama Tottenham wareegan tartanka.
Arsenal waxay la ciyaari doontaa labo kooxood oo ka mid ah Paris Saint-Germain, Real Madrid, Bayern Munich, Inter Milan, Borussia Dortmund iyo Barcelona, kuwaasoo ku jira pot 1 oo ay weheliyaan kooxaha Premier League ee Liverpool, Manchester City iyo Chelsea.
Be the first to comment