4 guuldaro oo xiriir ah dhamaan tartamada oo dhan, waa wax aan horay ugu dhicin xirfadiisa tababarenimo ee Pep Guardiola taariikh ahaan, tan iyo markii uu joogay Barcelona, Bayern Munich iyo waliba Man City oo uu haatan joogo.
Sababo badan ayaa keenay in Manchester City ay sii socoto hoos u dhaca ku yimid hogaanka Pep Guardiola xilli ciyaareedkan, xitaa markii kooxdu ay badisay ma aysan muujin wax qancin ah sidii hore.
Guuldaro kale ayaa ka dhigtay Pep Guardiola inuu dareemayo cabsi, waxaana hadaladiisii ay ahaayeen kuwo is khilaafaya, waxaana uu falkii uu ku sameeyay kursiga keydka xaqiijiyay in tababaraha reer Spain ku jiro xaalad adag.
Sanadihii ugu dambeeyay, Pep Guardiola ayaa laga yaabaa inuu bilowgiisii dhibtoonayay, sababo dhaawacyo heshiisyada cusub oo aan la isku waafaqsanayn, xagaaga kasta xiddigo ka taga kooxda laakiin xilli ciyaareedkan waa mid aad u adag.
Bilowgii xilli ciyaareedkan ma fiicneyn, kaliya maahan natiijooyinka, laakiin xitaa qaab ciyaareedkiisu ma ahayn mid caadi ah oo ka yimid tababaraha.
Nidaamka cusub ee Champions League-ga, Manchester City ayaa hadda heysata kulamo adag oo ka tirsan heerka group-yada, si ka duwan sanadihii hore, halkaasoo kooxda heysata horyaalka Ingariiska ay mar walba ku aadaysay koox fudud.
Sanadkan, Manchester City waxay wajahday Inter Milan ciyaartii ugu horeysay, ka hor inta aysan guuldaro 4-0 ah kala kulmin kooxda Sporting Lisbon waxana ay kadib la ciyaari doontaa Juventus iyo PSG kulamada soo socda.
Waxaas oo dhan waxay imaanayaan markii uu tababaraha reer Spain isaga iyo kooxdiisu ka soo hareen koobka Carabao cup-ka halka ay bar-baro la galeen kooxaha Arsenal iyo Newcastle United.
7-dii guul ee uu ka gaadhay Horyaalka Ingiriiska, 5 ka mid ah waxay ku dhammaatay hal gool oo kaliya, waxay ahaayeen kuwo aad ugu adag iyada oo Haaland badbaadiyay.
Marka la eego natiijooyinka kor ku xusan, qaab ciyaareedka kooxda ayaa xaalka ku xumaynsaya tababare Pep Guardiola.
Heshiiska Guardiola ayaa dhici doona dhamaadka xilli ciyaareedkan waxana ay taasi keenaysaa shaki laga qabo mustaqbalka tababaraha kaas oo waayi kara shaqadiisa.
Be the first to comment