Arsenal ayaa fursad u heli doonta in ay gaadho rikoodh muhiim ah marka ay La ciyaarayso Liverpool kulanka axada ee Premier League ee ka dhici doona Emirates Stadium.
Gunners ayaa marti galin doonta kooxda Liverpool kulan ka tirsan premier League iyaga oo doonaya in ay ku soo laabtaan wadada guulaha.
William Saliba ayaa kaarka cas oo toos ah loo taagay qeybtii hore ee ciyaartii ay guuldarada kala kulmeen Bournemouth ka hor inta aan laga dhalin laba gool qaybtii 2-aad ee ciyaarta.
Guuldarradaas darteed, Arsenal ayaa lumisay fursadii ugu horreysay ay ku dhigi lahayd rikoodh taariikhi u ah kooxda.
Gunners ayaa hal guul oo kaliya u jirta inay noqoto kooxdii labaad ee 2,000 oo guulood ka gaadhay horyaalka Ingiriiska.
Liverpool ayaa ah kooxda kaliya ee guushaas gaadhay, waxayna ku guulaysatay 2,066 guulood taariikhdooda horyaalka.
Be the first to comment