Graeme Souness ayaa qirtay in aanu ‘la yaabi doonin’ hadii Mohamed Salah iyo Trent Alexander-Arnold ay labaduba ka tagaan Liverpool xagaaga dambe.
Liverpool ayaa si dar-dar leh ku bilaabatay xilli ciyaareedka iyaga oo leh 18 dhibcood 7-dii kulan ee ay ciyaareen premier League.
Slot ayaa shaqo fiican ka qabtay Liverpool ilaa haatan isaga oo kooxdiisa ka dhigay kuwo u tartamaya horyaalka premier League.
Inkasta oo ay Liverpool si fiican u ciyaarayso xilli ciyaareedka, Souness ayaa ka walaacsan arimaha ka baxsan garoonka dibadiisaiyada oo 3 xiddig oo muhiim ah heshiisyadoodu dhacayaan.
Salah, Alexander-Arnold & Virgil van Dijk Ayaa galay 12-kii bilood ee ugu dambeeyay heshiiskooda Anfield taas oo la macno ah in ay xor u yihiin in ay kooxaha kale heshiis la galaan January.
Souness ayaa filaya in uu Van Dijk heshiis cusub u saxiixi doono kooxda laakiin uuna la yaabi doonin hadii ay Salah iyo Alexander-Arnold ka tagaan kooxda dhamaadka xilli ciyaareedkan.
“Wal-walka haya taageerayaasha Liverpool waa in ay lumin karaan 3 xiddig oo isku muujiyay kooxda”ayuu yidhi.
“Trent Alexander-Arnold, Mo Salah & Virgil van Dijk ayaa dhamaantood ku jira sanadkii ugu horeeyay ee heshiiskooda”.
“Aniga ahaan Van Dijk wuu sii joogi doonaa laakiin lama yaabi doono hadii ay Salah iyo Trent ka tagaan kooxda”ayuu sii raaciyay.
Be the first to comment