Virgil van Dijk ayaa lagu soo waramayaa in uu iska diiday heshiis ay Liverpool u soo bandhigtay iyada oo la hadal hayo in uu xagaaga dambe bixi karo.
Daafaca reer Holland ayaa kaliya lix bilood uga hartay qandaraaskiisa Anfield.
33-sano jirkaan ayaa xilli ciyaareedkan muhiim ka ah kooxda Liverpool Waxa uu ka caawiyay Merseysiders in ay ilaashadaan shabaqeeda todobo kulan 14 kulan oo horyaalka ah halka uu ku dhaliyay hal gool iyo hal caawin.
CaughtOffside ayaa ku warameysa in Van Dijk uu diiday dalabka Liverpool sababtoo ah dalabku ma uusan u dhigmin wixii uu filayay. Waxaa socda wadahadalo ku saabsan heshiis cusub, laakiin labada dhinac ayaan wali ku heshiinin wax shuruud ah maadaama suuqa kala iibsiga bisha January uu soo dhawaaday.
78-kulan heerka caalami ee xulka Netherlands ayaa ku sugnaa garoonka Anfield tan ilaa January 2018, markaasoo uu kaga yimid Southampton lacag rikoor ah oo dhan 75 milyan.
Be the first to comment