Trent Alexander-Arnold Oo Ka Hadlay Mustaqbalkiisa Liverpool.

Daafaca Liverpool Trent Alexander-Arnold ayaa qirtay inuu ku nool yahay riyadiisa xilli ay jiraan warar xan ah oo sheegaya inuu u dhaqaaqayo Real Madrid.

Mustaqbalka Alexander-Arnold ayaa wali shaki ku jiraa iyada oo heshiiskiisa kooxda dhacayo dhamaadka xilli ciyaareedkan.

Sida ay wax yihiin, xiddiga reer England ayaa awood u leh in uu heshiis hor dhac ah la gaadho kooxaha ka baxsan England bisha January.

Real Msdrid ayaa ugu cad-cad saxiixa xiddiga hadii uu go’aansado in aanu heshiis cusub u saxiixin Liverpool.

hubanti la’aan ku hareereysan mustaqbalkiisa Liverpool, Alexander-Arnold ayaa qirtay inuu ‘ku nool yahay riyadiisa’ garoonka Anfield, isagoo siinaya tilmaam macquul ah inuu u furan yahay inuu la sii joogo kooxda.

“Weligay uma malaynayn inaan ciyaaro kulamadan badan,” Alexander-Arnold ayaa u sheegay bogga Liverpool

“Weligay kuma fikirin inaan ku guuleysan doono koobab badan ama aan ku guuleysan doono waxyaabihii aan sameeyay, waxaan ku noolahay riyadeyda maalin kasta, waxaana sameeyay daqiiqaddii aan bilaabay inaan kubada laado ilaa hadda, run ahaantii.”