Trent Alexander-Arnold ayaa qorsheynaya inuu xilli ciyaareedka ku dhamaysato Liverpool iyada oo Real Madrid u aragto iibkiisa suuqa January mid aan macquul ahayn sida ay sheegayaan wararku.
Qandaraaska 26-jirka ah ee Liverpool ayaa dhacaya dhamaadka xilli ciyaareedkan, taasoo la micno ah inuu awoodi doono inuu ka tago Anfield isaga oo xor ah.
Real Madrid ayaa Alexander-Arnold ka dhigtay mid ka mid ah bartilmaameedyadooda suuqa kala iibsiga, ka dib dhaawaca Dani Carvajal, kaasoo seegi doona inta ka dhiman xilli ciyaareedkan.
kooxda heysata horyaalka Spain ayaa dooneysa inay la soo wareegto daafaca midig suuqa January.
Relevo ayaa ku warameysa in Madrid aysan meesha ka saarin isku daygii ay ku dooneysay Alexander-Arnold bisha January, si kastaba ha ahaatee, kooxdu kuma kalsoona fursada ay xiddiga reer England uga soo kaxeyn karaan Anfield ka hor inta uusan dhamaan xilli ciyaareedka.
Warbixinta ayaa sheegeysa in Alexander-Arnold uu doonayo inuu uga tago Liverpool ‘sida ugu macquulsan’, taasoo macnaheedu yahay inuu ku guuleysto ugu yaraan hal koob xilli ciyaareedkan.
Be the first to comment