Weeraryahankii hore ee Arsenal Thierry Henry ayaa u sheegay Mikel Arteta in ay tahay in wax walba ay isbedelaan hadii kooxdu ay dooneyso in ay ku guuleysato horyaalka Premier League xilli ciyaareedkan.
Waxa ay ku soo aadeysaa iyadoo Gunners ay ku dhibtooneysay inay la socoto xawaaraha kooxaha ay xafiiltamaan ee Liverpool iyo Chelsea qaybta hore ee xilli ciyaareedka.
Laba kulan oo xidhiidh ah oo bar-baro ah ayaa hoos u dhigtay rajada Arsenal ee ku guulaysiga premier League.
Thierry Henry ayaa ku baaqay in isbedel weyn lagu sameeyo kooxda hadii ay doonayaan in ay u dagaalamaan horyaalka xilli ciyaareedkan.
Halyeyga Arsenal ayaa u sheegay Sky Sports’ Monday Night Football: “Waxyaabo badan ayaa u baahan inay isbedelaan si ay ugu guulaysato Arsenal horyaalka premier League”.
“Markaan arko Liverpool oo ciyaaraysa, waxay u egtahay inay isku dayayaan inay ku guuleystaan. Waxaan arkaa kooxo kale oo ciyaaraya, waxad moodaa in ay doonayaan in aan laga badin kulanka”.
Be the first to comment