Tababaraha xulka Sweden, Graham Potter, ayaa dejiyay walaacyadii dhaawac ee laga qabay xiddiga Liverpool Alexander Isak, isagoo ku kalsoon in weeraryahanku “uusan wax dhibaato ah qabin.”
Isak ayaa ku biiray horyaalka Premier League ee hadda haysta koobka, isagoo Liverpool ugu biiray lacag rikoor ah oo gaaraysa £125 milyan bishii August, balse wuxuu ilaa hadda kooxdiisa cusub u dhaliyay hal gool oo keliya.
Xiddigii hore ee Newcastle United ayaan ciyaarin tan iyo bartamihii October, isagoo seegay shantii kulan ee ugu dambeeyay kooxdiisa sababo la xiriira dhaawac muruqa gumaarka ah.
Wuxuu dib ugu soo laabtay kooxdiisa kulankii Axaddii la soo dhaafay ee ay la ciyaareen Manchester City, balse kama uusan soo gelin kursiga keydka maadaama kooxdiisa uu Arne Slot hoggaaminayo si adag looga badiyay garoonka Etihad.
Isak wuxuu seegay 12 kulan dhaawacyo gumaarka ah xilli ciyaareedkii 2023–24, iyo labo kulan xilli ciyaareedkii ka horreeyay, balse hadda weli lama oga in dhibaatadiisa cusub ay la xiriirto dhaawacyadii hore ama ay tahay mid cusub oo gooni ah.
“Alexander wuu nala joogaa” ayuu Potter yiri.
“Waxaan ula hadlay si koobann Wuu fiican yahay, wax dhibaato ah ma qabo.”
Be the first to comment