Tababaraha Liverpool Arne Slot ayaa qirtay inaysan jirin koox xilli ciyaareedkan siisay kooxdiisa tijaabo adag oo ka adag Chelsea, isagoo xitaa ku adkeystay in Blues ay tahay kooxdii ugu fiicneyd kulankii October ee dhex maray labadooda.
Kooxda Slot ayaa afar dhibcood ka sareysa kooxda ka dhisan galbeedka London ee horyaalka Premier League iyadoo hal kulan gacanta ku heysa, iyadoo qeyb weyn oo ka mid ah faa’iidadaas ay heshay guul adag oo 2-1 ah oo ay kaga badisay Chelsea garoonka Anfield.
Inkasta oo ay Chelsea haatan tahay tartanka ugu dhow ee Liverpool, tababaraha Blues Enzo Maresca ayaa si joogto ah u sheegay in ayna kooxdiisu diyaar u ahayn in ay u tartanto horyaalka Premier League.
Slot ayaa dhinaciisa la dhacsan qaab ciyaareedka Chelsea isla markaas sheegay in aan la iska indha-tiri karin.
“Waxay ahayd mid ka mid ah ciyaaraha, malaha kulanka kaliya, halkaas oo aan dareemay in kooxda kale ay naga fiicnaayeen intii lagu jiray ciyaartaas,” Slot ayaa yiri.
“Uma joogo inaan xukumo booska ay ku dhamaan doonaan miiska kala sareynta horyaalka, waa inaan diirada saaraa kooxdeyda laakiin Chelsea ayaa xilli ciyaareedkan wacdaro dhigaysa ilaa haatan, taasi waa hubaal”.
Be the first to comment