Mohamed Salah ayaa magacaabay afar ciyaartoy oo uu ka helo dhiiri galin kuna jiro saaxiibkiisii hore ee kooxda AS Roma ee Francesco Totti.
Xiddiga Liverpool ayaa noqday mid ka mid ah xiddigaha ugu fiican taariikhda premier League waxana uu ku koray dhawr xiddig oo uu ku dayan jiray tan ilaa markii uu yaraa.
Totti ayaa ka mid ah xiddigaha uu Salah ku dayan jiray waxana uu ugu dambayn fursad u helay in uu ka garab ciyaaro markii uu Salah joogay kooxda AS Roma.
Zinedine Zidane & Ronaldo ayaa wakhti hore ciyaaraha ka fadhiistay waxana ay ka mid yihiin xiddigaha uu Salah ku dayan jiray sidoo kale xiddiga Cristiano Ronaldo kaas oo haatan ciyaara kubada cagta.
“Waan jeclahay qaabka uu u ciyaarayay Ronaldo [Brazil] iyo [Zinedine] Zidane iyo [Francesco] Totti, Nimankaas mar walba waxa aan ku riyoon jiray ciyaartooda”.
“Cristiano sidoo kale wuxuu ka mid yahay xiddigaha aan ku dayan jiray isla markaasna daawan jiray sida uu u ciyaaro”ayuu sii raaciyay.
Be the first to comment