Bukayo Saka ayaa laba gool dhaliyay kulankii ay Arsenal guusha ka gaadhay Monaco waxana uu ciyaartaas ku gaadhay rikoodh cajiib ah.
Ciyaaryahanka garabka ka ciyaara ayaa labo gool dhaliyay kulankii ay 3-0 kaga badiyeen Monaco ciyaar ka dhacday Emirates habeenkii Arbacada.
Kadib markii Uu dhaliyay gool qaybta hore Saka ayaa ka faa’iidaystay khalad ay sameeyeen daafaca Monaco waxana uu dhaliyay goolka 2-aad.
Waxa uu sidoo kale door ku lahaa goolkii 3-aad ee kooxdiisa iyada oo Gunners ku Sii dhawaanayso in ay u gudubto wareega xiga.
Labada gool ee Saka ayaa ka caawiyay in uu ku biiro rikoodh khaas ah oo uu Salah horay u dhigay.
Saka ayaa noqday xiddiga 2-aad ee gaadhay in uu ku lug lahaado 20 gool oo ka ciyaara England.
Saka hadda waxa uu leeyahay sagaal gool iyo 11 caawin ilaa haatan xilli ciyaareedkan.
Dhanka kale, Salah ayaa dhaliyay 16 gool halka uu caawiye ka noqday 12 kale tartamada oo dhan.
Be the first to comment