Ruben Amorim Oo Ka Warbixiyay Xaalada Dhaawac Ee Matheus Cunha Iyo Mason Mount.

Tababaraha kooxda Man United Ruben Amorim ayaa ka warbixiyay xaalada dhaawac ee xiddigaha kooxdiisa Matheus Cunha Iyo Mason Mount.

Labada xiddig ayaa ka qayb qaatay kulankii ay Man United ka badisay kooxda Burnley kulan ka tirsanaa premier League.

Laakiin Cunha ayaa la badalay qaybtii hore ee ciyaarta sabab la xidhiidha dhaawac soo gaadhay iyada oo lagu badalay Zirkzee.

“Way adkeyd in aan lumin ciyaaryahan sida Cunha iyo Mason Mount – Mason Mount wuxuu la ciyaaray dhaawac ku dhawaad 30 daqiiqo,” ayuu yiri tababaraha reer Portugal.

Markii la weydiiyey haddii ay muddo dheer maqnaan doonaan ayuu ku jawaabay“Ma garanayo, ma garanayo, laakiin waan ka walwalsanahay. Aad bay noogu muhiim yihiin, markaa waan arki doonnaa.”

Markii dambe, shirkiisa jaraa’id ee ciyaarta kadib, wuxuu ku daray: “Ma garanayo [inta ay le’eg tahay dhaawacoodu], waan baari doonnaa.

“Waxaan u baahannahay ciyaartoydan si aan u noqono kuwo si dhab ah u tartami kara.”