Andy Robertson iyo Arne Slot ayaa qiray in taageerayaasha Liverpool ay xaq u leeyihiin inay muujiyaan dareenkooda ku aadan Trent Alexander-Arnold ka dib markii uu soo dhawayn cadaawad leh ka helay taageerayaasha Liverpool kadib markii uu badal ku soo galay kulankii ay 2/2 la galeen Arsenal.
Alexander-Arnold ayaa xaqiijiyay in uu uga tagayo Liverpool xagaagan, isaga oo soo afjaraya 20 sano oo xiriir ah oo uu ka soo shaqeeyay akademiyada si uu ugu guuleysto Premier League laba jeer, Champions League iyo in loo magacaabo kabtan ku xigeenka kooxda.
Taageerayaal badan oo Liverpool ah ayaa baraha bulshada ku muujiyay cadho iyo diidmo ay ka muujinayaan go’aanka Alexander-Arnold, waxayna colaaddu sii socotay ciyaartii Arsenal.
26-sano jirkaan ayaa lagu ooriyay markii uu ku soo galay qeybta labaad ee ciyaarta bedelka, isagoo lagu badalay Conor Bradley, falcelintuna waa ay socotay mar kasta oo uu kubada taabto.
Isagoo ka hadlayay ciyaarta ka dib, Robertson wuxuu doonayay inuu diirada saaro saameynta wanaagsan ee Alexander-Arnold uu ku leeyahay xirfadiisa gaarka ah, lakiin waxa uu qirtay inaysan wanaagsaneyn inuu arko saaxiibkiis oo ay ku orinayaan taageerayaasha Liverpool.
“Waan ka niyad jabay inaan lumino saaxiib wanaagsan, waa ciyaaryahan cajiib ah iyo qof cajiib ah,” Robertson ayaa u sheegay Sky Sports.
“Wuxuu igu riixay oo iga dhigay ciyaaryahan wanaagsan, Dhaxalkiisa ayaa ahaan doona had iyo jeer, wax badan ayuu u qabtay kooxdan”.
“Waa loo xiisi doonaa aniga oo ah mid ka mid ah saaxiibadayda ugu fiican ciyaarta, dhamaanteen waan wada sameynay. Waxa uu ii qaaday heerar aanan waligey ogeyn in ay jiraan. Ma aysan ahayn mid sahlan Trent laakin go’aanka ayuu qaatay”
Slot wuxuu ku celceliyay dareenka Robertson hadaladiisa ciyaarta ka dib, isagoo leh: “Qof walba wuxuu yeelan karaa ra’yigiisa, waxaadna u sheegi kartaa si kasta oo aad rabto”.
“Waxaan maqlay fikrado kala duwan, laakiin ra’yiga kaliya ee aan haysto ayaa ah inaan ku leeyahay ciyaartoyda iyo taageerayaasha inay isku dayaan inay ku guuleystaan kulan kubadda cagta ah, haddii Conor Bradley uusan sii wadi karin sababtoo ah wuu daalan yahay, waxaana kursiga keydka ku jira Trent Alexander-Arnold, waan keeni doonaa isaga sababtoo ah waxaan dooneynaa inaan badino kulankaan kubada cagta”
Be the first to comment