Markii la gaaray dhammaadka habeenkii Sabtida, laba waddan ayaa xaqiijiyay u soo bixitaankooda wareegga 16-ka ee Koobka Qaramada Afrika ee 2025 oo hadda socda.
Labadaas dal waa Masar iyo Nigeria.
Labada xulba waxay guuleysteen labadii kulan ee ugu horreeyay ee heerka group-yada, taasoo u suurtagelisay inay boos ka helaan wareegga xiga ee tartanka.
Masar ayaa Jimcihii 1-0 kaga adkaatay Koonfur Afrika, inkastoo ay ku ciyaareen 10 ciyaaryahan kaddib markii kaarka cas laga siiyay qeybtii hore ee ciyaarta.
Ka hor intaas, (Masar) waxay kulankoodii furitaanka ku garaaceen Zimbabwe 2-1.
Group C-ga, Nayjeeriya ayaa si ciriiri ah ugu adkaatay Tunisia kulankii go’aaminayay hoggaanka group-ka, iyagoo ku badiyay 3-2.
Victor Osimhen, Wilfred Ndidi iyo Ademola Lookman ayaa dhamaantood dhaliyay goolal, taasoo u sahashay ragga Eric Chelle inay helaan hoggaan saddex gool ah.
Si kastaba ha ahaatee, kooxda Carthage Eagles (Tunisia) ayaa soo laabatay, kaddib gool madax ah oo uu dhaliyay Montassar Talbi iyo rigoore uu dhaliyay Ali Abdi.
Xulka Algeria ayaa noqday xulkii ugu dambeeyay ee u gudbay wareega 16-ka tartanka koobka Qaramada qaarada Africa.
Xulalka Marocco iyo Mali ayaa ku biiray Liiska xulalka u gudbay wareega 16-ka tartanka kadib markii ay dhamaysteen wareega Group-yada isla markaas ciyaareen kulankoodii ugu dambeeyay.
Xulalka u soo gudbay wareega 16-ka koobka Africa:
- Egypt
- Nigeria
- Algeria
- Morocco
- Mali
Be the first to comment