Paul Merson ayaa beddelay saadaashiisii ku saabsan cidda ku guuleysan doonta horyaalka Premier League, isagoo horay u saadaaliyay in Arsenal ay heli doonto koobkeedii ugu horreeyay ee horyaalka tan iyo 22 sano ka hor.
Merson, oo horey uga tirsanaa kooxda Arsenal, wuxuu markii hore taageeray in kooxdiisii hore ay ku guuleysan doonto horyaalka, balse hadda wuxuu rumeysan yahay in Liverpool ay difaacan doonto koobka.
Kooxda Reds ayaa ah kooxda kaliya ee guulo ka gaartay saddexda kulan ee ugu horreeyay Premier League, iyagoo ka badiyay AFC Bournemouth, Newcastle iyo Arsenal.
Arsenal ayaa hadda ku jirta kaalinta saddexaad, kaddib markii ay garaaceen Manchester United iyo Leeds United, ka hor inta aysan Axaddii 1-0 kaga adkaan kooxda Arne Slot ee Anfield.
Arsenal ayaa ku dhammaatay kaalinta labaad ee Premier League saddex xilli ciyaareed oo isku xigta, waxaana Merson haatan aaminsan yahay in sugitaankooda uu sii socon doono.
Markii la waydiiyay in Liverpool ay hadda yihiin kuwa ugu cadcad inay ku guuleystaan horyaalka Premier League xilli ciyaareedka 2025-26, Merson ayaa u sheegay Sky Sports:
“Haa, anigoo eegaya wixii shalay dhacay, waan aaminsanahay sidaas.
“Markii aad heshay [Isak]. Eeg, anigu mar walba waxaan qiimeeyaa horyaalka [markii waqti uu ka dhaco].
“Markii hore waxaan moodayay in Arsenal ay fursad fiican haysato markii ay garaaceen Man United, laakiin kadib guulihii ay Liverpool ka gaadhay Arsenal Iyo Newcastle”.
“Aniga ahaan wali ma gaadhin qaab ciyaareedkoodii gu sareeyay hadana waxa ay badiyeen kulamadii ay ciyaareen”
Be the first to comment