PSG Oo Xasuuqday Chelsea

Kooxda Paris Saint-Germain ayaa guul weyn oo muhiim ah ka gaadhay Chelsea kadib markii ay ku garaaceen 5-2, kulankii lugta koowaad ee wareegga 16-ka ee UEFA Champions League.

Ciyaartan oo lagu qabtay garoonka Parc des Princes, PSG waxay ku dhowaadeen inay gaaraan quarter-final-ka.

⚽ Sida goolashu u dhaceen

• Daqiiqadda 10-aad: Bradley Barcola ayaa PSG u dhaliyay goolka koowaad kadib darbo xooggan oo uu ka tuuray gudaha diilinta.

• Daqiiqadda 28-aad: Malo Gusto ayaa barbaraha u dhaliyay Chelsea kadib kubbad uu gudaha diilinta ka helay.

• Daqiiqadda 40-aad: Ousmane Dembélé ayaa PSG u dhaliyay goolka labaad kadib fursad uu kaligiis ku aaday goolka.

⚽ Qaybta labaad

• Daqiiqadda 57-aad: Enzo Fernández ayaa u dhaliyay Chelsea goolka barbaraha 2-2 kadib caawin uu ka helay Pedro Neto.

• Daqiiqadda 74-aad: Vitinha ayaa PSG u dhaliyay goolka saddexaad isagoo kubbad farsamo leh ka dul qaaday goolhayaha.

• Daqiiqadaha 86 iyo 90+4: Khvicha Kvaratskhelia ayaa laba gool oo kale u dhaliyay PSG, isagoo soo gabagabeeyay bandhigga goolasha.

Labada koox ayaa markale ku kulmi doona 17-ka March lugta labaad ee ka dhici doonta garoonka Stamford Bridge ee magaalada London, halkaas oo lagu go’aamin doono kooxda u gudbaysa quarter-final-ka.