Lukas Podolski ayaa ku amaanay Bukayo Saka inuu yahay ciyaaryahanka ugu fiican Arsenal ka hor kulanka Champions League ee ay kooxdiisu la ciyaari doonto Inter Milan.
Todobaadyo adag ayay u ahayd Arsenal, iyadoo Mikel Arteta wiilashiisa ay la ildaran yihiin hoos u dhac dhinaca qaab ciyaareedka ah iyaga oo kaliya 2 kulan badiyay 5-tii kulan ee ugu dambeeyay tartamada oo dhan.
Guuldaradii Gunners ka soo gaartay 1-0 ee Newcastle sabtidii ayaa la macno ah in kooxdu ay dhibco lumisay mid kasta oo ka mid ah seddexdii kulan ee ugu dambeeyay ee Premier League, taas oo ka dhigtay in ay todobo dhibcood ka dambeeyaan kooxda hogaanka u haysa horyaalka ee Liverpool.
Habeenka Arbacada, Arsenal waxay haysataa fursad fiican oo ay xilli ciyaareedkeeda ku soo celin karto wadada saxda ah iyaga oo la ciyaari doonaan kooxda Inter Milan champions League.
Sida laga soo xigtay weeraryahankii hore ee Arsenal Podolski ayaa sheegay in Saka yahay xiddiga ugu muhiimsan kooxda Arsenal.
Markii la weydiiyay inuu magacaabo ciyaaryahanka ugu fiican kooxda, Podolski – oo sidoo kale lix bilood amaah ku joogay Inter – ayaa u sheegay La Gazzetta dello Sport”Bukayo Saka”.
Be the first to comment