Paul Merson ayaa qirtay inuu la yaabay in ayna Arsenal baanka u jabin weeraryahanka Newcastle United Alexander Isak xagaagii hore.
Arsenal ayaa ku fikirtay inay la soo wareegto weeraryahan cusub intii lagu jiray suuqa kala iibsiga ee ugu dambeeyay, waxaana lala xiriirinayay u dhaqaaqista xiddiga Newcastle Isak.
Isak ayaa dhaliyay 21 gool Premier League xilli ciyaareedkii hore, dad badan ayaana u arkayay ciyaaryahan caawin kara Arsenal.
Arsenal ayaa ugu dambeyntii go’aansatay inaysan keenin weeraryahan cusub iyaga oo Haverz ku taageeray in uu ka ciyaaro weerarka.
Merson oo arintaas ka hadlaya ayaa yidhi”Aad ayaan taageere ugu ahay Isak”.
“Waan la yaabay in Arsenal aysan isku dayin in ay baanka u jabiso saxiixiisa suuqii xagaaga, waxa aan qabaa in uu yahay xiddiga ka maqan Arsenal”.
Be the first to comment