Xiddiga Arsenal, Noni Madueke, ayaa saadaaliyay in kulanka kooxdiisu la ciyaari doonto Chelsea Axadda uu noqon doono ‘ciyaar fiican’, iyadoo lagu ciyaarayo garoonka Stamford Bridge ee Premier League-ka.
Madueke ayaa hadlay kaddib markii uu hoggaamiyay Arsenal guushii ay 3-1 kaga qaaday Bayern Munich kulan Champions League ah oo Arbacadii ka dhacay garoonka Emirates.
Weeraryahanka garabka ka ciyaara ee 23 jirka ah ayaa dhaliyay mid ka mid ah goolasha ay Gunners-ku kaga adkaadeen Bayern Munich.
Isagoo la hadlayay TNT Sports kaddib ciyaarta, Madueke wuxuu yiri: ‘Ma sugi karo!waxa aan muddo ka maqnaa ciyaarista kubada cagta oo aan jecelahay”.
“Kooxda 1-aad ayaa la ciyaaraysa kooxda 2-aad, iyagu waa koox heer sare ah, annaguna waxaan nahay koox heer sare ah, sidaas darteed waxay noqon doontaa ciyaar fiican”.
Be the first to comment