Gary Neville ayaa bedelay saadaashiisii hore ee 4-ta boos ee ugu saraysa xilli ciyaareedka premier League isagoo ku kaftamay inay tahay ‘markii ugu horeysay ee ku dhawaad 15 sano’ ee uu ka saaro Manchester United.
Arne Slot ayaa wakhti cajiib ah la qaadanaya Liverpool iyada oo Reds 2 dhibcood oo cadaan ah ku haysa hogaanka premier League.
Laakiin Chelsea oo ku jirta kaalinta 2-aad ayaa dhaafi karta hadii ay Guul ka gaadho Everton iyada oo Reds la ciyaaraysa Tottenham.
Arsenal ayaa dhinaceeda ku jirta kaalinta 3-aad halka ay Man City ku jirto kaalinta 4-aad ee kala saraynta premier League.
Bishii August, Neville ayaa saadaaliyay in Arsenal ku guulaysan doonto premier League alka uu Man City, Man United iyo chelsea u sadaaliyay in ay ku dhamaysan doonaan 4-ta boos ee ugu sareeya.
Laakiin Daafacii hore ee England ayaa badalay saadaashiisa waxana uu meesha ka saaray kooxdiisii hore ee Man United.
“Waxan Arsenal u saadaalinayaa ku guulaysiga waxa ay dib u heli doonaan qaab ciyaareedkoodii”ayuu Neville yidhi.
“Waxa ay ciyaari doonaan kulamo fudud wakhtiga Chirsmas-ka waxa aan heli doonaan dhibco waxana ay heli doonaan qaab ciyaareedkoodii fiicnaa sanadka cusub”.
“4-ta ugu saraysa waxa ay noqon doonaan city, Liverpool, chelsea iyo Arsenal, waa markii ugu horaysay ee aan aaminsanahay in ayna Man United u soo bixi doonin 4-ta ugu saraysa”
Be the first to comment