Tababaraha Kooxda Liverpool ee Jurgen Klopp ayaa ka hadlay khilaafkii soo kala dhex galay isaga iyo xiddiga Mohamed Salah kulankii West Ham.
Klopp iyo Salah ayaa isku dhacay intii ay socotay ciyaartii ay kooxda Liverpool bar-baraha la gashay West Ham kulan ka tirsanaa premier League.
Mar wax laga weydiiyay hadii xaalada La xaliyay ayuu yidhi”Haa, Gabi ahaan waa la xaliyay, ma jiro wax dhibaato ah”.
“Hadii aanan aqoon dheer isku lahayn maanu garaneen sidii aan u xalin lahayn, laakiin waxa aan aqoon isku lahayn muddo dheer waanan is ixtiraam-naa sidaas darteed ma jirto wax dhibaato ah”.
Klopp ayaa la hogaamin doona Liverpool 3-dii kulan ee ugu dambaysay xirfadiisa tababaranimo ee kooxda Liverpool.
Be the first to comment