Tababaraha Kooxda Man United ee Erik Ten Hag ayaa ka hadlay guuldaradii kooxdiisa ka soo gaadhay West Ham.
Kooxda Man United ayaa guuldaro 2/1 ah kala kulantay kooxda West Ham kulan ka tirsanaa horyaalka premier League.
“Markii 3-aad xilli ciyaareedkan waxa aan dareemaynaa cadaalad darro, waxa ay ahayd in aan gool dhalino, waxaan abuurnay fursado badan. Waxay ahayd in aanu 2 ama 3 gool dhalino”.
“Qaybtii dambe waanu dadaalaynay laakiin gool ayay naga dhaliyeen, marka gool lagaaga horumaro waxa aad u baahantahay xiddigo shaqsiyad leh si aad ciyaarta ugu soo laabato”.
“Laakiin rikoodhadii loo dhigay West Ham waxa ay ahayd cadaalad darro”.
“Aad bay u adkeyd in la arko, ka hor xilli ciyaareedka waxaa jiray tilmaamo ku saabsan VAR kaliya inay farageliyaan qaladaad cad oo muuqda, taasi hubaal maahan qalad cad, oo ka yimid garsooraha garoonka dhexdiisa”.
“Niyad jab badan laakiin taas waxba kuma samayn karo, dhibco maanu helin waa in aan dib isku fiirino, si fiican umaanu ciyaarin waxa aanu abuurnay fursado badan laakiin waxa nalaga dhaliyay goolal”ayuu sii raaciyay.
Be the first to comment