Xiddiga Liverpool Alexander Isak ayaa ka muuqday wareysi saxaafadeed kaddib guushii 2-0 ee ay ka gaareen West Ham United, kulankii wareega 13-aad ee Premier League-ka Ingiriiska.
Weeraryahanka reer Sweden ayaa wareysigiisa ku yiri:
“Waxaan ogayn in ku noqoshada wadada guusha ay adkaan doonto kadib wixii ka dhacay ciyaarahayagii hore. Aad baan ugu faraxsanahay guusha, sidoo kale waan ku faraxsanahay inaan dhaliyay goolal.”
Isagoo ka hadlayay qeybtii hore ayuu yiri:
“Marka kooxda ay waqtiyo adag dhex marto, waxa uu ciyaartu noqdaa dagaal. Ciyaartoydu si heer sare ah ayey u soo bandhigeen.”
Isagoo ka jawaabaya goolkiisii ugu horreeyay ee Premier League-ka uu u dhaliyo Liverpool ayuu yiri:
“Waan garanayaa in ay waqti dheer qaadatay, waxaanan isku dayayaa inaan dib u helo qaab ciyaareedkaygii ugu fiicnaa. Weli waxaan ku jiraa wadadii, balse aad ayaan ugu faraxsanahay goolkan aan dhaliyay.”
Ugu dambeyntii wuxuu yiri:
“Dareenka ugu fiican maanta waa guusha aan gaarney, waana habka ugu wanaagsan ee niyad wanaag loogu abuuro kooxda. Dabcan, anigu waxaan ahay weeraryahan, sidaas darteed dhaliyista goolasha mar walba waa ii faa’iido. Waa inaan si fiican uga faa’iidaysannaa guushan, laakiin waa inaan madax-deganaan muujinaa. Waa inaan sii ilaalinaa feejignaanta oo aan si adag u shaqeynaa si aan u sii wadno xawligan wanaagsan.
Be the first to comment