Xiddiga reer Masar Mohamed Salah ayaa noqday ciyaaryahanka ugu badan ee ka qayb qaatay goolal (goolal + caawin) isagoo la jooga hal koox taariikhda Premier League-ga, kaddib markii uu gaaray 277 ka-qaybgal gool isagoo xiran maaliyadda Liverpool, taasoo ka sarreysiisay rikoorkii Wayne Rooney ee Manchester United (276 ka-qaybgal gool).
Taas ayaa timid kaddib markii Salah uu caawiyay goolka labaad ee Liverpool kulanka ay ka badiyeen kooxda Brighton kana dhacay garoonka Anfield kaas oo ka tirsanaa wareega 16-aad ee premier League.
Salah ayaa ciyaarta kusoo galay bedel ahaan qeybtii hore, kaddib markii Joe Gomez uu dhaawacmay, wuxuuna si degdeg ah u reebtay saameyn cad, isagoo mar kale muujiyay qiimihiisa go’aaminta leh ee Reds-ka.
Waxaa xusid mudan in Mohamed Salah uu u saftay Liverpool 301 kulan oo Premier League ah, isagoo dhaliyay 188 gool islamarkaana caawiyay 89 gool.
Be the first to comment